कमजोरी माथि कुदृष्टी

रातको समय थियो । पसलेले पसल बन्द गर्न आटेका थिए कि  त्यतिकैमा एउटा कुकुर पसलमा आयो , उसको मुखमा एउटा थैली थियो । जसमा सामानको लिस्ट र पैसा थियो । पसलेले पैसा लिएर सामान त्यो थैलिमा भरिदियो , र कुकुरले मुखमा च्यापेर त्यहाँबाट निस्कियो ।


पसले आश्चर्यचकित भएर कुकुरको पछि पछि गयो , यो हेर्नलाई कि यस्तो समझदार कुकुरको मालिक को हो ? " । कुकुर बस स्टपमा उभिएको थियो , केही समय पछि बस आयो र त्यसमा चढ्यो । कन्डक्टर छेउमा आउने बित्तिकै कुकुर ले आफ्नो घाँटी अगाडि गर्यो ,  उसको घाटीको बेल्टमा पैसा र उसको ठेगाना पनि थियो । कन्डक्टरले पैसा लिएर कुकुरको घाटीको बेल्टमा बाधिदियो , र आफ्नो बस स्टप आउने बित्तिकै कुकुर पछाडीको ढोकाबाट निस्किएर पुच्छर हल्लाउदै कन्डक्टरलाई संकेत गर्दै गयो , पसले पनि पछि पछि गइरहेका थिए ।

कुकुरले घरको ढोका दुई तीन पटक ढक्ढक्यायो , भित्रबाट उसको मालिक आयो र लठ्ठिले पिट्न शुरु गरीदियो , पसले ले त्यो मालिकसित पिट्नुको कारण सोधे , मालिकले भने " साला ले मेरो निद्रा खराब गरिदियो , चाबी साथमा लिएर जान सक्दैनथियो ? गधा!”


जीवनको पनि यहि सत्यता हो, तपाईसित मान्छेको  अपेक्षाहरूको कुनै अन्त्य छैन, जहाँ तपाईं चुक्नुभयो त्यही निर  खराबी निकाल्न शुरु गरीदिन्छन, र पछाडीको जम्मै राम्रोपन लाई बिर्सिदिन्छन । उनानन्सय वटा राम्रो कामको मुल्यांकन हुदैन, एउटा गल्ती गर्नुस जम्मै असल काम बिर्सिदिन्छन, कति स्वार्थी छौ हामी मान्छेहरू ।।।

Read More

धन्य डाक्टर !

एयरफोन बाट गीत सुन्दै थिए, दाँया कानको श्रवण क्षमता लगातार कम हुदै गयो ।

डक्टर का गाको

कान नै खराव हो । अप्रेसन गर्नपर्ने रे !

सारै तनाव।

त्यै एयरफोन हरायो ।

तनाव भुलाउन अर्को  एयरफोन किने । अचानक कान त ठीक भयो । 

अनुसन्धान गर्दा पहिलेको एयरफोनको दाँया साईड बिग्रेको रहेछ । 

डाक्टरको सल्लाह मानेको भा कान त चिलिम् ।

यउटै उत्पादन परेछन् दुवै वस्तु ।

धन्य डाक्टर साव । तिमी नी नमूनानै रैछौ । 

Thank god.

Read More

बाइक हाँस्यो

अचम्मै बाईक हाँस्यो😍😍, नहाँसोस त कसरी १० लिटर पेट्रोलको कुपन जो पाएको छ । हिज अस्ती घ्यार-घ्यार गर्दै बन्द हुँदा इन्जिन माथिको स्वीच जो उठाउन पर्दथ्यो । आज स्वीच नी आरामले जमिन हेरी रहेछ, गति नी औषत भइरहेछ ।

गन्तव्य लामो अनि तीव्र गति नरोकी दौडने, घडीको सुई जस्तै । तर आज सेल सकिए झै भाछ किनकि वेग जो कम छ । कुनै हतार, आपत विपद् छैन ।

खुसी हुन कुनै ठूलो कारण नै चाहिन्न, आफैलाई कर पनि लाग्ने र तिर्न पर्ने नमस्ते क्रेडिट पाउँदा त उन्माद खुसी हुने म आफ्नै बाइक हाँस्दा कसरी मौन रहन सकुँ । यहाँ त खुसी डवल, हाँसो चौवल वाइकका नसा नसा हड्डी हड्डी हाँसीरहेछन ।  मन नी हर्षित भैरहेछ । सोचिरहेछु-सडकमा गएर कसैलाई  लिफ्टको अफर गरौ र भनौ सेवा नै परम धर्म हो, चाहे गफै किन नहोस् । 

गोजीमा पैसा हुँदा होस् वा नहुँदा १/२ लिटर बढाएर त हालिएन प्राय । खास भनौ त सवै भागको खिया नी भिज्न पाउदैन होला आफ्नो हलाईले । तर अचानक आजत हाँस्यो मोरो हाँसोको आवाज निकाल्न सक्ने भए चिच्चाएर भन्थ्यो होला छिमेकीले सुन्ने गरी आज दुनियामा सबैभन्दा बढी खुसी स्वयम् उ छ भनेर, हल्लाइ हल्लाइ भर्न जो पाएको छ । कुनै भाग होस नभिजेको अहं छैन । ५०० किलोमिटर यात्राको असल साथी हुने भयो चाहे मर्निंगवाक होस् चाहे चाहे भिजिट ।

कतिपय अवस्थामा रकम र सामानको तुलन गर्न सकिन्न जस्तै ११० रुपैया र रु ११० को पेट्रोल भलै ११० रुपैयाले अन्य कुनैपनि सामान जो किन नआओस् । त्यसो त कति चिया गफमा २/३ सय रुपैया नी खर्च भए होला तर एक थोपा पेट्रोल फाल्तु खर्च भाको छैन । दौडेरै सहयोग गर्या छ ।

प्रत्येक थोपामा मलाई सहयोग गर्ने, दैनिक आधाआधि समय सँगै विताउने मेरो प्रीय आज अचानक अघाएर पेट मिचिमिचि हाँसीरहेछ मुसुमुसु । त्यसको गतिमा औषतपना आइरहेछ, टाइम- टाइममा खित्का छोडिरहेछ । धन्य डोनर 😄😄 मेरो बाईकलाई यस अवसरका लागि । मेरो बाईक साँच्चै हाँस्यो हाँसिरहोस् । बसन्तमा कोइलीजस्तै, पिँजराबाट निस्केको चरीजस्तै, पूर्णीमाको जुन जस्तै, असारेको जुनकिरीजस्तै, वर्षातको इन्द्रेणी जस्तै रमाईरहोस् । हरेक सफलताको सहयात्री बनोस्, मुस्कानमा कहिल्यै कमि नहोस् प्रीय १२५cc साईन् । 

Read More